عطيتك راضي - سليمان العليان
عطيتك راضي مخلص وأحس إنه علي إلزام
وأحس إني معك قصرت وان كثرت عطياتي
ومع هذا تلايمتي مع اللي عن همومك نام
وأنا حصلت بصدودك ونكرانك مجازاتي
أحس إني غريب عنك من راسي إلى الإبهام
وأحس إني من إحباطي كرهت أحياي وأمواتي
جنيت اللي جنيته من عذاب ومظلمة وأسقام
ولا فكرت حين ألقاك شي مثل ذا ياتي
وهذي زبدة الهرجة وأنا من عادتي شوام
أكمل لك ؟ . . أظن أسكت ! ولك أجمل تحياتي ..