نظراتها - سليمان المانع
أحس في نظراتها وش وراها ؟
ومابيننا نفس المشاعر والأحساس
تدري بحبي وداري في غلاها
يبدى مانخفيه والناس جلاّس
مير اختلفت وهي منعها حياها
عن كلمةٍ قد قالها آكثر الناس
تخفي مشاعرها وأخفي هواها
متصبرين ياعلي بـ قوة الباس
لاجيت أصارحها وأجلس معاها
اغير الموضوع أخجل وأحتاس
وخايف مشاعرنا تموت بضماها
والكل منا مستحي شامخ الراس
والكلمه الي عايشِ في رجاها
أموت ولا قالها عدم الأجناس
هذا عذاب الروح هذا عناها
ثورة غرام وزادها كتم الأنفاس
متى تبيح بما يكنه خفاها
تنهي عذابٍ ماله حدود وقياس
يالله عسى يكمل هناي بـ هناها
بـ انسى الجروح الماضيه وننسى الاتعاس
ياخالق الدنيا العجيبه بـ سماها
يارب لاتقطع رجا القلب بالياس