سمكره ورشه - شايع العيافي
عبيد ربي بشر .. والله على عرشه
الحول حوله و حنا مالنا قوه
ان مدنا كل حي عض في قرشه
وان ضاقت الحال كلٍ صاح في جوه
اللي برك به نهار الموجبه هرشه
واللي على طيحة الطايح عمر ضوه
اقولها من فمي بالهرجه الحرشه
الفرق بين النقايض وانقشع نوه
اللي يسمكر عيوبه راعي الورشه
ماحدٍ بجاهل حسانيه ولاسوه
اخاطبه بازدراء يا صاحب الكرشه
ان كان عادك غيور وعندك مروه
ترا المشاعر تكسّر كسرة الغرشه
على رديف الشداد وراعي الخوه
اما يزين النبا ونكبر الفرشه
ولا اقطع العرف من حينه الى توه
بلابك الحظ والله يقطع الطرشه
مع واحدٍ دون كثره مانبي شوه