الباير - شايع العيافي
ان كان من يتبع المقفي على شفه
من الحسايف جداه يعض الأصباعي
انا من اهل الهوى قدني على طفه
وايقت راس الطويل وشفت ميقاعي
زهقت مزهاق طيرٍ نافضٍ رفه
اقفى من الوكر واستنكر على الداعي
حول ورى الضلع والهفه هي الهفه
مندل واللي خلافه يحسبه ضاعي
فيني من الأرض لا باح العزا خفه
ومن الشفق يجزع فوادي من اضلاعي
ان كان من دون خيره ضاقت الضفه
فجوج ربي على من مثلي وساعي
الباير اللي حبال الروح في كفه
مايدري انا نرد الصاع بالصاعي
واما خذانا السحى والطيب والعفه
نكتب على وقفة المدخال مطلاعي
يصفق مهب الشمال ويخلف الدفه
على خشب محملٍ مافوقه شراعي
عليه طامي بحر ووصيته شفه
تقول مالله حدك " وارخي اسماعي"