مصر الجديده - شايع العيافي
صباح الخير يامصر الجديده
مادام ان النهار اقبل بنوره
ورى ليل عسى ربي يعيده
رسومه فالشرايين محفوره
ولاباقي من اطلاله شريده
سوى صوت الشريط بدون صوره
ما غير الوصل والود وعبيده
وغيبة عاذل العاشق وشوره
هنا عطر المكان بلمست ايده
وهنا لاشئ من هيبة حظوره
متاهات النظر ساعي بريده
طلع فيها الهدب عن كل طوره
وغنا سيدي واصبحت سيده
وغرربي يبي يرضي غروره
وجيت اقرب من العقد لوريده
أكن الشعر ويصافق بحوره
من الخطب الجلل يركع لسيده
ومن عرش قلمي يبني قصوره
يلبسني دلع ليله سعيده
وياخذ من حروف الوصف ثوره
يصب الزين فالروح البليده
بعد ماشفت للحظ ودبوره
ذهاب الحال لادنق بجيده
وسلهم بالعيون ودق زوره
يجيب الكلمه الأولى وكيده
ويفقد عقبها باقي شعوره
نسايم نجد في مصر الجديده
سرت ليله وصبحه لاح نوره