شرهه - شايع العيافي
الجروح الخافيه عوق الحيارا
بس اسابقها قبل تطلع عليه
كل ما بانت مواريها توارا
ماورى مطلاعها غير المنيه
وش بلاي انكفت من دون السهارا
ما بقى من ربعي الا الشاذليه
دلة تشره على سيد العذارا
كلما ونيت جادت لي شويه
تحتهاالجمرالحمر يقدح شرارا
والصبابه نار والوجد برديه
بيننا يعتب على الليل النهارا
والسهروالنوح والعين الشقيه
انتبه ياصبر من شان الوقارا
قبل ماتشمت عيال ابليس فيه
والله اني من مجملة المثارا
بس عذروبي ليا نادوا سميه
اتدرا والولع ماينتدارا
والله اني صاير شر البليه
عين حر مع صقاقير السدارى
صار له مع غيبت الأنوار نيه
لوح الملواح وانتاش العفارا
لين ركب مولع الصيد ردعيه
مابقى الا العوق وجروح الحيارا
يالله انك لاتبينها عليه