قوانين الجاذبيه - شايع العيافي
انتحت حدب السيوف وخالفتها
عبرة تجري على البنت اليتيمه
اسبلي يالحية ماوالفتها
شعرة من فروة الأرنب شريمه
الضغاين ماجهلنا سالفتها
شوكة بين الظهر وشداد ريمه
والبلا بهل النصف لا ناصفتها
شذبة المقفي وتسويق الظليمه
من سنام العز فزعة طارفتها
عالم تجزع من هروج النميمه
آه وآكبر الخطا من عارفتها
خلصينا يانوايانا السليمه
تلتوي خلفي وانا معرف صفتها
لين تقسم من عراقيبي قسيمه
ويش عذري من شقوق مارفتها
غير عيني يومها عندي غريمه
ابشري والله يكفي من كفتها
وانذري غاليك يامال الغنيمه
يقصر الكلمه قبل تاصل شفتها
ما يطيع من الخطا غير البهيمه
وام حردوب ان تشوفت هدفتها
سقتها حتاي اقطعها الخريمه
لاتقفاني ورجلي ماقفتها
ثم احط لخدة الهامل وسيمه
رابت دموع الشقيه وذرفتها
حقها لأقفت مع البنت اليتيمه