من شر غاسق اذا وقب - شايع العيافي
جمر الغضا ينقل على كتفه ارطاه
خضراء المشارب دخنت مالها كبح
تمنّع الصابر وجابه من اقصاه
هالات هم وليلةٍ مالها صبح
الليل هذا لوع القلب وأدماه
حل الجزع والضيق يانايد السبح
كني بقلبي لاتعاوت حناياه
عويات ذيب حال من دونه النبح
يسجد على كبد طنت من رواياه
ويرد فيها توقته لا أمهل الشبح
راح النظير اللي شفاق مطاياه
وانكف ب عيد النحر واستوجب الذبح
البين والغربه وكل المعاناه
خسارة ماظن يلقى بها ربح
الا رسوم من ورى الفكر تشعاه
ترسم بها الأيام في الذاكره قبح
والليل هذا ما تشرويت شرواه
الغاسق الواقب حداني عن الصبح