يا غيمة الصبح - شايع العيافي
لاوالله الا وردت الموت ياناصر
ماعاد لي عقب ليل البارحه سلوى
زين البها لاعني بالعنق والناظر
أهديت روحي بعد مسراه للخلوى
أعاتب الوقت ولاحظي العاثر
مشكاي للي يشوف ويسمع الشكوى
ياليتني ماعنيت وجيته مسافر
أنا على نفسي اللي جيت بالبلوى
ياغيمة الصبح والهتان والماطر
ياسكرة الخمر مدري لذة الحلوى
يغار نور القمر من وجهك السافر
وتاطا قدمك النفل وتصيبه العدوى
تبغى ذبيل الكلام وهمسة الخاطر
ماغيرك احد على قلب العنا يقوى
واللي رفع قدر مسلم وانزل الكافر
من يوم شفتك ماغيرك واحد يسوى