صدى الصوت - شايع العيافي
تاهت الخطوه وحارت في دروب المهمهيه
يالله انك لاتعرض عند شانيها مجالي
باد حيلي وانثنيت وراحت النيه مطيه
نوختبي فوق جال مرسي له فوق جالي
الله اكبر والجذيبه بين ذيك وبين ذيه
ناشت الشارب ولحقت في محنية السبالي
هزعة للطويق صارت والسبب هضبة طميه
ارتجف منها الرياض وراح من مرباه جالي
حسبي الله ثم حسبي يالرياح الموسميه
احترك حبل الرشا وافتر من فوق المحالي
جمة عذبه وغثربها الحصى والجاذبيه
العزا من رسها في كور مومية الحبالي
حولت عكف المخالب فوق غصن الراعبيه
واحتدا للضيق حادي جعل مال الضيق والي
ياجملنا كيف ترغي والقضا حل القضيه
محزم يجبر عزا المضهود ويفك التوالي
وسمنا في كبد بقعا شاهده نجد العذيه
والحمايا في مواذنا قبل يذن بلالي
لاتضيعني وانا ماضيع يازبن الونيه
والله اني خابر وش مكسبي من راس مالي
وكان خشمي طارف لبو لهب تبت يديه
ما ورى العذر السمين الا مقصرت الطوالي
آه من جرح جرحني ياللحون السامريه
كل مارهيت السلامه قال لي ياهملالي
وعيني اللي عاقبتني من قواذيها بريه
والله انه ما طرفها غير واحد من عيالي