يا كويتيين - شايع العيافي
ياكريم المد والدنيا على الكافر خساره
رحمتك يامنزل القرآن بالسبع المثاني
نصرة المسلم ودينه واعتباراته وداره
عروةٍ وثقى من اسبابك ..تبلغه الجناني
الزمن هذا ينحّي بارةٍ في سد باره
مايعز الا شجاع ولا يهين الا جباني
اعتدلنا واستوينا.. ياحريقه من شراره
الله الله .. والسنين السود مافيها ضماني
انكفى للشر يوم وبان للتاريخ ثاره
من حسوس الحبر والنسخه على الرسم البياني
القضى سنه وجز الروس في رد اعتباره
مدةٍ يحري بها الممرور لأمتس البطاني
حلةٍ للشرك راحت حذف ليلٍ في خباره
بيض الله وجه من رد البرا ...والعمر فاني
والله انا مانسينا مع طلوع الشمس غاره
دمعة من تحت موق وصيحة فوق الأذاني
يوم راحت رفقة الغادر سرابٍ في قراره
بان وجهك واقتنعنا يالزمان القلباني
عقّب اللي يهزع من القوم لين تموت ناره
يشتكي ظرف الزمان ويشتكي ظرف المكاني
من رضى فينا تعزوينا وشقينا ستاره
منهل لسيوفنا الحدبا ..وزرجات السناني
والله انا قد ركعنا ركعتين الأستخاره
غير ست من الدول ..مابه خوات ولا خواني
ياكويت الله يحفظك رمز لعيون الحضاره
عود في عين الحسود وموت في قلب الأناني
في ذرا جابر زعيم المجد زيزوم الأماره
ركنه الراكن .. وميعاده مع وضح الأماني
يا عربنا ياعربنا ..يالحمنا ياظفاره
خشرة السبع العجاف وبهجة السبع السماني
اصطفق بحر الخليج ولبّس الساحل سماره
واحترينا موعد الساري علي شاطي "بياني"
فيه للضيقه ربوع وفيه للغادي مناره
اصح ياليل النيام..وغن طرقك " ياصفهاني "
ماورثنا الا الشهاده دون زامية الفقاره
نزعة للروح دون العرض لابار الزماني
وش بقى دون الكويت ووش غدا من ظلم جاره
يا " فهدنا " قسمك البيضاء على روس البياني
نجمنا اللي مايغير لا اختلف وقته مساره
مع مطاليعه يضيع الجدي وسهيل اليماني