كنة الروح - شايع العيافي
ياغيبنا ياللي على غرة اللوح
عسى تباشير السعد بك تلفا
واقول يا باب من الشرق مسموح
تبعث دواريس الغرام المسفا
سلمت سنه واصخف الوجد مشفوح
اقصى رجاه يواجرك ويتحفا
ويقول لك لبيه ياكنة الروح
ونا على كنة حشاك آتشفا
يازمهرير الشوق ياباعث النوح
دن الحشا عند الحشا ويتدفا
عليك ميلات الهوى تتبع الضوح
برق تجلا فالجديل وتخفا
ترقب معه رجلي على نايف الصوح
تتنى وعدها وابلج النور قفا
معذور لو نضح العباير غدى فوح
ولا بعد غاض الجفا به وجفا
مادمت جراحي ونا منك مجروح
ماني من اسباب الصبابه معفا
قلب على جرت سباياك مطروح
تهدى عليك جنازته لو توفى
يمكن يجيلك في نعاياه مصلوح
واتقول بن خيال كفا ووفا