اه ثم اه - شايع العيافي
لافاحت الكنه وحرجد قطاها
أجنب الهذار وأقطع شريطه
الواطيه مامرها من وطاها
يقعد عليها اللاش كنه ربيطه
رجلي على دلي وربي عطاها
عما يحس النفس عجله نشيطه
تسهج مناكب الارض وانهم أخطاها
مادام راسي حي فوق البسيطه
وليا جزعت من الليال وبطاها
سيرت مسيار الوجيه القليطه
على مود فرحته ماغطاها
فيها المبشر شارط له شريطه
ند الرجال من الرجال خلطاها
وانا نديده في وفاه وخليطه
ان هاز عسرات المحامل سطاها
واكفيه ميراد العدود الغويطه
أعداي عنده ما تبين خطاها
واعداه عندي تستشم الشويطه