البصره والكوفه - شايع العيافي
يا سامرياتي كم افنيت واحييت
جمر الضمير وحرقة في كنوفه
عيا علي الصبر واتعبت ياليت
الين ظني لحق تالي حتوفه
ياسيدي وشعاد كانك تقصويت
قلبي مع عوج المساري تلوفه
لاهنت وانته عزوتي لا تعزويت
ولاهان راسي لو تردت ظروفه
والله ما غيري واحد ينقل الصيت
ولا غيرك احد يجبر الكسر شوفه
لجلك هدمت بيوت زرق العفاريت
ولجلي نحرت القلب واحييت خوفه
غيرك من غير طواريك وامسيت
كن الثقه عقب اليقين مخطوفه
ولعتني بمسامر النجم واقفيت
واصبح عليك الليل يصفق كفوفه
ياما رقبتك بالهيام وتحريت
والصدر تقرع من غيابك دفوفه
ظلمتني عقب العدال وتماديت
ودك براسي تطرحه من كتوفه
لكن لحظه واسمع الطرق والبيت
اما يحوفك شوق والا تحوفه
والله مارخصت الغلا يومك ابطيت
الا تجدد لك ودنا قطوفه
عذر الهوى يومك بقلبي تلويت
اني نطيح الود وانك شفوفه
نزلت راس طويق مده وشديت
واليوم بدرك لاتبين خسوفه
عبست في وجه الغرام وتوليت
خذت العوض في نجد بصره وكوفه
روح وانا من عرف غيرك تبريت
عيب علي عقب العياف النكوفه
الأزوال عقبك في عيوني ترنزيت
يمر فيها الزول ماذكر وصوفه
لبيه ياصوتك وحسك ليا وحيت
نبراته البحا وصرت حروفه
لبيه يا غيضك وفيضك ليا خطيت
ولبيه ياكسرتك عقب الحسوفه
ولبيه يا دار عليها تربيت
ذكره يخلي للسوالف طروفه
ولبيه يا منصا العيون الملافيت
الجد مسمي والبيوت معروفه
ولبيه لرضا الله وغم الطواغيت
عساي احج البيت واسعى واطوفه
سبحانك الله كل ما فنيت واحييت
تعلم بهقواتي وظلمه تشوفه