ياوطنا - صالح الداغش
ياوطنا مسكنك فـ المحاني والصدور
مزهر ٍ تشرب رحيق الحياه المزهره
يا وطنا عشت غالي على مر العصور
كل عصر ٍ غير عصرك سنينه مقفره
ياوطنا دارت الأرض والدنيا تدور
ودها تاصل مكانك وتحظى بمنظره
بس ربي شرفك بالمكانه والطهور
فيك مكه .. فيك طيبه زهي ومفخره
ياوطن حاضر في الذات ياشيخ الحضور
ما نسافر لونسافر بقلب ٍتحضره
ياوطن رتبت ليلك و غطيتك سرور
كيف طالت راحة العين راحة منكره
من تسلل في ظلامك على إثم وفجور
حول أفراح المداين دماءمبعثره
حول البسمه نحيب و مناحات ونفور
يتم أطفال وترمل من اسبابه مره
من يضل الدرب زادت مشاويره عثور
مايبررمقتل الناس فكر برره
نرفض الإرهاب مبدأ وتفكير وشعور
نرفضه من صرخة الطفل لين المقبره