راعية خافقي - صالح الداغش
إسالتني راعية خافقي ويش هو الغرام
قلت يعني تسرق البنت عمر أحد الرجال
قالت أبدأ بك عسى خافقك عذب الوئام
قلت أنا عمري تناثر على صد وصال
ولابقى لي في حياتي ولا لحظة هيام
ليه ترمين المعنى إلى سوء المآل
قالت أحرق عاشقي بس أنا برد وسلام
ما تظرك نار وجي إذا الحرمان طال
اعتبرني شمعة العمر عن كل الظلام
واعتبرني مهجة الحب والسحر الحلال
وأن تقسمنا مدى النور قسمنا العتام
وان تبنيت الإجابه عليك انت السؤال
دام ما للنوم ديره سوى عيون الأنام
لاتهقويك الأماني ورى سود الليال
انتبهت لخافقي يوم عانقها وقام
هي خذتني من ظلالي إلى نفسي الظلال
وعمري ماشفت العسل بين لزمات الكلام
زي ماشفته في شفاه وارفة الجمال
واعدتني الف مره تجي حلم بمنام
واعدتني الف ليله ورى حدود الخيال
أهجرتني راعية خافقي أتلى الغرام
قلت يعني تسرق البنت عمر أعتى الرجال