إثارة - صالح الداغش
جيتي وكانت جيتك لي بشاره
مثل الفرح ينساب بين الحنايا
جيتي دعاوي أم وسط استخاره
جيتي غناوي حب ورد وتحايا
لاهيب لا أول ولا أتلى زياره
لكنها أول وأغلى الهدايا
مااقول أنا رهن الأمر والإشاره
أقول أنا رهن إختلاج النوايا
ياام الجديل اللي تسدل ستاره
يحجب سنا شمسك وينثر فيايا
لوخدك الأيمن درى ويش يساره
حب اليمين أيسر وصارت حكايا
ضحكه وطرزها العنب من حماره
ناسٍ تموت وناس فيها سبايا
من فتنة الضحكه قلبت السجاره
شبت شفاي وشبتك في حشايا
شاعر وتكمن روعته في إنكساره
عاشق وتكمل روعته بالصبايا
من سكر الفتنه لملح الإثاره
تركض خيول القلب سرج وعرايا
لاطالت أخرها بفوز وجداره
ولا طالت أول حبها في الحنايا