باسل - صالح الداغش
باسل
يالصباح اللي يدير الضي لوجيه الصبايا
يالخيال اللي تكدس
في العيون
وفي الردون
وفي الزوايا
تستغيث بليل روحي
واستغيث بصبح روحك
استغيث بكل بنت تستقي من ملح وجهي وجه اجمل زي روحك
تستغيث بليل روحي
واستغيث بصبح روحك
استغيثك
وينها امك وينها
لي عمر ما عطر كفوفي رذاذ ايدينها
***
باسل
العابك
ثيابك
كتبك اللي تزهر برحلة شبابك
مقتنيها في خيالي
مشتريها بكل غالي
بعمري العابر لحالي
***
باسل
احزاني كثيره
كثر ماقص البنات اشعار بوك وخلوا الصوره كسيره
باسل احزاني ذخيره
تنفجر بي لحظة اكتب:
كم لي الهث بالنوايا ورى هذي وذيك
كم لي اوهب للمنايا زهر هذا الشباب
مستطيب لكل شي سوى الشعر الركيك
كامن في كل شي يعود اصله تراب
باسل اسأل مين بابا واجاوب عنك فيك
استبيحك خوف تنسى ولاجل احظى الجواب ..