علميه يذوب - صالح الداغش
علميه يذوب في سود العيون
لين يسكن ناظرك في ناظره
علميه يحب ناس مايجون
سافروا في إثر ريح مسافره
وان تبادلتوا المواقع والشجون
صيري احزانه وكسرة خاطره
يالطعون الزرق وش لون الطعون؟
لا غدت في قلب بنت قاصره
مالها عاشق سوى جرح رعون
عاث وسط القلب وادمى الذاكره
ترسمه بين الحشا وبين الردون
توهبه أوّل مسا تستأثره
تعشقه غريد من بين الغصون
تحضنه عن كل حضن يحاصره
مالها الا ليل فياض وحنون
لاتعزوت به يجي من أخره
ومالها الا حزن قاسمها النون
لين صار احلى يقين تعاشره
علميه يموت في سود العيون
خلي المسحور يسحرساحره