مزح و لعانه - صالح الداغش
الله يسامح راعي القلب لو صد
يبقى لذكره بين الأحداث خانه
إن غاب ما يملا مكانه ولا حد
وإن جاك يطرد من يبي من مكانه
أقول بأحط لجفا صاحبي حد
وأنسف حدودي واتغاضى عشانه
بنيت بأكوام الزعل حصن وانهد
لحظة تهادت بسمته وافتتانه
إن ضاق ضاقت خطر المدن والجرد
يمكن له ف..عوج المحاني حصانه
لا غلطته مزحه ولا غلطته جد
بابٍ موارب بين مزح ولعانه
يغرق بها غض المجاديف وانحد
على لظاه.. وقسوته.. وامتنانه
وانثر له أوراقي من البدع للرد
وانثر له أحداقي غرام وميانه
علمني الفرقا وعلمته الود
وعلمني أركض خلف رحلة زمانه
لا طلته وتسلم معاليقي البرد
ولا راض لحظة لو كبا به حصانه
الهم عصبه بس أنا خافقي فرد
واللحظة الحلوة شرود وجبانه
يؤمن به شعوري ومرات يرتد
أدوج من حنيته لامتحانه.