سلطنة - صالح الداغش
ياقصيدي سلم راسك ولا أذكر شطبت
غير حساد ٍ تنادت وطبت لذمها
كم سكنت فقلب غاده ولااظنك ذهبت
لين اينعت فحشاها وسرت فدمهّا
ذبت فيها قل لهم ياقصيدي كيف ذبت
بين حراس الشفايف وحانة فمها
ارتكبت من المعاصي عدد ما أرتكبت
من محاسن ما قدرت أنحني وألمها
ما أستتاب الوقت ذنبي أنا اللي استتبت
كل شيً يبهج الناس وأنت أهمها
ماتجرح فيك غيري دخيلك كيف طبت
وماتجرح في غير الحياه وهمها
ماكتبتك من يقيني ولكني كتبت
كل شك في حياتي نقص ما تمها
كم وهبتك للمدى ياجزالة ما وهبت
وكم حظنتك عن طعون ٍ تجي والمها
ان كتبتك ليل جمعه تواروا يوم سبت
وان تواروا قالت الأرض يالله فّمها
لا خذيتك من مداهم ولا أذكر سلبت
-بيت واحد لاأبوها ولا ابو أمها