أشياء قلب - صالح الداغش
أبغي أكتب لك قصيد :
وأتلمس في المحاني
ويش أصيد
غير جرح
وغير هم
وغير أحباب(ن) تواروا عن عيوني
للغياب البعيد
وأرسم الدنيا قصيده
من شغف
او أسف
او موت ساكن في عيوني
قبل لا يسكن وريد
* * *
أتلمس
ويش لقيت
غير بنت
والف جرح
والف بيت
والف دمعه مالها فيني عيون
اه ماأقسى يقيني
وماأرحم طعون الظنون
* * *
أتلمس
لين تخنقني قصيده في فؤادي
وقتها بس أتنفس
وأرسم الدنيا قصيده
من شغف
او أسف
او موت ساكن في عيوني
قبل لايسكن وريد
* * *
ألملم طيوفك
هنا وهناك
عسى تتجمع أشوفك
عسى ألقاك
عسى للغياب أخر
اوللمدى اخر
ااوعسى القى سواك فخافقي اخر
* * *
علمني ارسم عاشقين
نشبه ملامحهم كثير
هي يد وحده او يدين
ضمت بعضها للأخير
علمني انضب من دمي
لين اشعر بكل الجفاف
علمني القى في فمي
كلمة( مااحبك) إعتراف
علمني ويش شكل الغياب
لاجل ارسمه
او أقسمه
بين الصراحه والكذاب
علمني ويش شكل الذهاب
لاجل اطعن احساس المسافه بالإياب
* * *
علمني اعزف لك حنيين
أواعزفك نغمة انين
علمني اعزف عنك
لين ارجع حزين
علمني اركض في سرابك
لين اشربه عذب وزلال
وكلما المس غيابك
اسأله
باقي حضورك لايزال؟