جدار - صالح الداغش
ياشمس
نورك المخنوق فشقوق الجدار
ما وصلني….
مر بعضه
و طاح بعضه
وشال من بعضه بعض
واللي أنثال ف جداري
حاولوا فيه ورفض
********
هالجدار أنهار طوبه عذابات وشقا
وفيه نور ماغشاني تكدس به زمن
كان نوره يبهج العين لحظة تغرقا
في زعاف الدمع الاحمر ويمسحه بكفن
عاشقٍ يسكن فؤاده بدارين لصقا
غطرفت هذي وهذيك طاحت به حزن
كم تبادانا ألاماني على طيب ونقا
في زمان يذخر الطيب ويفيض بغبن
وكم رقينا سفح راما نتوق لما هقا
شاعرٍ يربط سهاده بأطراف المحن
وكم رقينا الحلم ليله وقلنا لمن رقا
لاتنام وفي الحنايا مواليف تون
هي حبيبه يا فؤادي وتجرحها ف لقا
لبن يبتل بغنجها سؤالين وشجن
ان سألت العمر كم راح منه وكم بقى
يهدر الخذلان دمي واصير بلا ثمن
نورها المخنوق فجأه تشعلقني ورقا
لين عاث الصبح الاحدب في قلوب المدن