الردى ما هوب لي - صالح السبيل
والردى ماهوب ليّ ولا طرى في بالي
مايعيّن خير من حط الردى معباره
بس قلّي يا رفيقي وين فكرك مالي ؟
من مجر الكبش جيت مخبرٍ باخباره
الله انه لا يضرك يا مذنّب هالي
يوم وجّه صاحبك وسط الدّجى مسباره
لكن انّه جاب علمٍ طف فالمكيالي
وجاب حبه ماتكسر والرحى دوّاره
والشلي مقبول لوهو ما شهر فالعالي
لو يبي ماله جناح ولا معه طيّارة
مانضيق من الحقيقه والعلوم طوالي
والبلد من دون جيش يهدّ من اسواره
وانت حذرا لا تجي فاتلا السنه ملاّلي
وكل رجّالٍ على حلقه يزر زراره
حط معدالك تراني حاذفٍ معدالي
من يبي سوق الملاقا لا يبيع مهاره