أبو قتيبة - صالح السبيل
ياللي تحب الشعر وتحب راويه
خذ عيّنه منطوق من عيّناته
في سالفه ماهيب نقد ومشاريه
ولا قلم حبرٍ شرع في دواته
طاروق شعرٍ جالي العب واعنيه
وقالوا لي العب من قصيدك وهاته
وغنيت في مرّة زماني وحاليه
ومسكتها مسك العماوي لشاته
واهديتها للي ولو ويش نهديه
يقصر مواجهها على واجهاته
خلوني انطق حق ماودي اغديه
واجمع مشاعري خاطري من شتاته
الرزق في يدين الولي : لو يوليه
ناسٍ : من المحتاج تاخذ عباته
وماتوا عباد الله وهم في حراويه
وضحّى الردي بامه وباقي خواته
كم واحدٍ ماله بجيبه يحاضيه
والبخل اقل البينه من صفاته
وابو قتيبه كل ماحل طاريه
تطري علي في باهله منجزاته
ياكثر شي من المفاخر مسويه
الله وانا ساله يطول حياته
كم واحد كبده غليله يداويه
مهوب يرضى فالقريب الشماته
ويفرح به اللي في طريقه يلاقيه
من حسن منطوقه وزين تهلاته
خلوني افخر فيه وانا بناخيه
وافخر بمن يقدر يسوّي سواته
وفي كل مجلس يوم الاقيه احييه
وان غاب عطر السالفه ذكرياته