أنا والحبر والقرطاس - صالح السبيل
انا والحبر والقرطاس بذينا خفا الهوجاس
وصارت سالفه لكن نزعلها ونرضيها
نفوس الناس لازمها من الوسواس والخنّاس
وساوس في نفوس وياس لين ابعد مراميها
جرحتيني ولا تدرين وين توقع الامواس
انا بعض العلوم اقوم والروّاي يرويها
مدام نحاس دون الماس خلّيها تروح نحاس
وزارعها مدار الحول فالمعقول يجنيها
قطعك الله ما ربعت لو عسست يالعسّاس
رعى فيها الجراد وبد لين اعدم نواميها
سقاه بكاس خمس انفاس وش سوّى شراب الكاس
قلب له راس لين احتاس عاليها بواطيها
وانا ماقول للقرناس وين الريش يالقرناس
يجي غيره جديد العام والصيده يدميها
زمان دباس لا ترجيه راح دباس خل دباس
يكفي حاضر الدنيا عن الدعوى وما فيها
يكفي مالقاه كليب من حربه معى جسّاس
الاول مات والثاني مع الدنيا يصاليها
خذ المعنى ترى المعنى يجي لك بالدجا نبراس
وانا في ناره الحمرا يبيها بس ما بيها