اغفر الماضي - صالح السكيبي
يالله الغفران يالله رحمتك
الذنوب كثار ياالله يارحيم
يا بنادم لا تهاون زلتك
اصغر الزلات لدروب الجحيم
ما تخاف الموت(يقطف زهرتك)؟
في وسط قبرك تبي تلقى نديم
لا تطاولها خطاوي رحلتك
ولا تحسب انك بسّكتها مقيم
اغتنمها قبل(تضحك حفرتك)
دام ربك واهبك عقل ٍ سليم
لا يخدعنك مباهج دنيتك
من يبي ينفعك وعظامك رميم؟
ينفعك فعلك وتنفع عبرتك
وانت خاشع في صلاتك مستقيم
اتّعظ من قبل تمضي فرصتك
لا تظن العمر هذا مستديم
واعتبر من قبل تا تي سكرتك
قالوا :العاقل لنفسه هو خصيم
اذكر الميزان واذكر كّفتك
واذكره درب الصراط المستقيم
اغفر الماضي (وجدد) توبتك
دام لك رب ٍ بغفرانه كريم