تحية المبعوث - صالح الضويحي
تحية المبعوث من خير معبود
هي خير مبدأ للكلام ومجاله
سلام تسليمٍ يسوق أزرق العود
بأسم الولاء وأهل الولاء والجزاله
سلام يارمز الوفاء منبع الجود
ياشامخٍ صرح الشموخ استواله
ياسيدي عهدٍ موثّق ومعهود
جينا نجدد بالولاء مامضاله
وقبل نجيك قلوبنا جت لك اوفود
فيها الولاء المطلق يزيد أشتعاله
نثني يابو متعب مواثيق واعهود
ونقى فداء مجدٍ ثنينا الولا له
حنّا فهد حنّا لفهد كلنا جنود
لاعاش رأسٍ لااعتزاء ماأعتزاله
درع البلاد اللي بها العدل مشهود
أرض الهدى مهبط نبي الرساله
زيزوم نجد اللي له الرأي مسنود
بالماقف الصعب وصعوبة جداله
وأنت العضيد اللي لك العهد مسنود
نبراس مجدٍ راهياتٍ حباله
رمزالوفاء الراهي ذرى كل مضهود
سقم الغريم المستبد ووباله
أن قالوا أن الماقف سهود ومهود
أنت الأمانه والصخاء والشكاله
عطفك يفيض ويسقي اكبود واكبود
وتضفي على المحتاج وارف اضلاله
وأن حل من بعد الرخاء ماقف الكود
أنت الشجاعه والقسى والبساله
صميدعٍ عزام جزام بالود
الياحكم يومٍ شديدٍ نزاله
ياسيدي مع وصفك الوصف محدود
وصفك وراء وصف القصيد وخياله
بأسمك يابو متعب لواء المجد معقود
من قمة الهيبه لروح الأصاله
ومنّا الولاء المطلق لرايات آل سعود
أهل المبادي والشرف والعداله
صرح الشموخ اللي على العز مشيود
يظلنا ظله ونبقى فداله
وعشق الوطن بصدورنا يزرع اورود
عهدٍ به الشايب ايوصي اعياله
واللي على الرايه موثّق وماجود
السيف والنخله ورمز الجلاله
أعظم علم له نجتمع بالولاء حشود
شرق الوطن غربه جنوبه شماله
شعب وقيادة لاحواجز ولا اقيود
صفٍ كما البنيان مأحدٍ يناله
ماهمنا من يجزا الأحسان بصدود
منبوذ وابليس اللعين أستماله
أن عاش عاش بظيم وأذلال وازهود
وأن مات ماصار بحياته بقى اله
رؤس الفساد اللي تصرّف بها يهود
مردهم سؤ العمل لامحاله
قتل النساء والأبرياء جرم مشهود
وين الضمير الحي وين أعتداله
وإنكار دين اللي ببيت الله سجود
إلحاد وخيانه وزور وظلاله
والتفرقه ذنب ومكيده ومنقود
وبيع الشرف ذل وعقوق وهزاله
واللي يخون الجار ويروع ارقود
ويحل قتل اللي حراماً قتاله
عن حوزة اهل الدين مارق ومطرود
ماغر غير اللي برأسه جهاله
وعلمٍ عليه الله وخلق الله شهود
نجمع عليه ونلتزم بإمتثاله
أن الولاء محفوظ والعدل ماكود
وأمن الوطن بيدين صفوة ارجاله