ياقصيدي - صالح الضويحي
ياقصيدي قدّم اللي تحتويه الباقه
ولاتقدّم غير جزلٍ لائقٍ تقديمه
أحتفي بي يامعاني شعري المشتاقه
أحتفي بك ياقصيدٍ شيمتي تكريمه
المدايح يوم وردت طايعه منساقه
أرتوت من بعد ماهي ظاميه ومحيمه
أفتخربك يامديحٍ رايته خفاقه
والمديح بغير بيت المجد ماله قيمه
والسحاب المرزم اللي جابني برّاقه
والله أن المجد غيثه والمكارم ديمه
صرح مجد وبيت جود وكل مدحٍ لاقه
أتشرّف كل ماباهيت في تعظيمه
أجتمع فيه الشموخ بهيبته واشراقه
والشهامه والشجاعه والكرم والشيمه
من تعزواء بالسويلم والحياة اشفاقه
والله أنه زابناً عزته عن ظيمه
والفخر بعيال وايل محتمين الساقه
دام صم الرواسي بالبلاد مقيمه