مجهر الضوء - صالح الضويحي
أتعبتني .. يا مجهر الضوء واتعبت
صدرٍ على متنه رقوا واتعبوني
قريتهم مليون مرّه ولا تبت
وانا من اول حرف يكتب قروني
ماهمهم لو عن وطنهم تغرّبت
أهم شي .. إليا بغوني لقوني
يدرون لو اني عن انظارهم غبت
أبقى على ماهم عليه عرفوني
انسى واحس اني من طعونهم طبت
وانظر لهم واقرا مواري طعوني
واليا نظرت لنفسي اكثر تعجّبت
اكذّب احساسي واصدّق عيوني
جرّبت وانغرّيت من حيث جرّبت
على كذا : ( مقدين ) لو همشوني