يارفيع الذوق - صالح الضويحي
يارفيع الذوق لك راهي المعنى الصعيب
والعوارف تحسم الأمر في صدق ونُبل
مابقى شئياً على ظاهر الدنيا غريب
ومن لدغه الداب أبو ناب خاف منالحبل
والرياح العاتيه لو زوابعها تريب
تيبس افروع الشجر بس ماهزت جبل
والثقه بالنفس ميزة رجوله واللبيب
له عن إيقاض المواجع طواريق وسُبل
ومثل ماللجرح تشخيص وأسباب وطبيب
تتضح غيب المضامين لفراسة شبل
والكلام بلافعل قالوا أهل العلم عيب
والوفاء محفوظ لأهل الوفاء بعد وقبل
والرجل يرفع حجاجه ويقِبل مايهيب
لك على وضح النقاء لايبوق ولإيحبل
والردي مايقدر الطيب لو حاول يطيب
ولايحاول يزرع أرض الصبخ غير الخبل
صاحبي له قصة الذيب واللي بالقليب
كل مأخضر للوفاء عود بيدينه ذبل
مرّ عام وعام والعلم بلسانه قريب
مادراء أنه مثل برق السحاب بلاوبل
قصة اللي صابه الزار والملعب مهيب
وأستثاره يوم دقوا على أسماعه طبل
قصةٍ عنها تحدثت مغزاها عجيب
ولاذكرت الاّ كلامٍ عليه ابن جهبل