وشلون رحنا ؟! - صالح الضويحي
وشلون رحنا.. لأي صوت أستجبنا
لايّا هدف ياهيه سقنا المطيه
مالك بطول الشرح لكن كسبنا
أنا عرفنا أشياء علينا خفيه
ناوين والمقسوم حكمه غلبنا
ماهي نوايا نيةٍ شقلبيه
جينا على دعوة كريمٍ ندبنا
راعي هلا والدله الشاذليه
واللي حصل ماثار كامن غضبنا
ماجابه الله مرحبابه وحيه
ماضاق صدر ولاتعذر طلبنا
صدورنا وقت الملمه مديه
خوينا مايشتكي من عتبنا
مقره العينين ذيه وذيه