كثير المشاعر - صالح الضويحي
ابي من يحرّك راكد الحس .. بس أشوي
واناوالله أني لأشعل الحرف لعيونه
كثير المشاعر.. بس وين الشعور الحي ؟
جنوني جنون .. ولالقأ جنون مجنونه !!
انا بين نار وغار شاهق.. وشمس وفئ
أسوق النظر وأردد القاف ب/ لحونه
تقصّرت عن شي وحسبت الحساب لشي
وأنا لو يخون الوقت مبادي ما اخونه
هوى النفس يدعيني .. وعقلي ينادي عي
ضميري.. ضميري . كاف " تفكيري " ونونه!
تطاولت ليل البارحه .. والزمن ياخيّ
نهاره مثل ليله .. وليله على لونه
سرابي وأنا " قاضب رسن سابقي " بيدّي
وقليل الحلا ..ياقرد حظه وياهونه
يعيش الظلام .. بعالمه مالقى له ضي
ذبل حرفه العاجز عن اشباع مكنونه
شعوره شعور المضتهد بين ذي وذي
يدور الزمان ويقصر الهرج من دونه
هو السئي .. لاوالله هو أسوأ .. من أسوأ سئ
أسير الأماني .. باهت الحس .. وشلونه
تغطرس به الهاجس وغاص ب/ظلام الغي
مع الثله اللي يشبهونه ويبرونه
خفافيش ليل الماجنات .. آكلين الني
على دان يالادان يالليل دلعونه