توني بيدينها تو - صالح الضويحي
والله أني (توني بيدينها تو) أنذبحت
وأدري أن الجو للقاتل على فعله يروق
بعد ماعادتها عهد المحبه وأسترحت
ساقت اسهوم المنايا لأستلاب الروح سوق
ماأذكر أني قبلها بالروح جازفت وسمحت
ولا أذكر أن القلب للي يبحث جروحه يتوق
غير قلبي للعنود وبدر ليلٍ له لمحت
كاشعاع الشمس من قبل التمادي بالشروق
غادةٍ لو قلت عنها بالقصائد لو شرحت
ماعطيت أدنى وصايفها مواجيب وحقوق
لو نحتُ الوصف من قمة ابداع الشعر نحت
هي جمال الكون كلّه والحلا بالعنق طوق
كل ماجتني تشب النار في صدري سرحت
بين جمر وبين ظن.. وبين موت وبين شوق
تجعل اللي تحتُ فوق وتجعل اللي فوق تحتُ
وتقلب اللي فوق تحت وتقلب اللي تحت فوق
والله أني وسط غيهب بحرها الغاوي سبحت
العنود وغيرها للبال عيّا لايروق