من الألف للكاف - صالح الضويحي
لو الشموخ أنسان .. به روح وأنصاف
أقبل اب كامل هيبته وأعترف لك
وأن مادروا .. عدأ .. على راس مشراف
وأقسم على أسماع الجميع وحلف لك
وأثنى وأعاد اللي على أسماعهم طاف
وفز .. ولبس بشت الوقار ووقف لك
من ألف الألف .. لمابعد منزل الكاف
بأسمك تسامى كل حرف وهتف لك
والشعر .. والشاعر .. ومعناه والقاف
لو يبلغ اعنان السما .. ماوصف لك
ما اتشوف صدري كل ماحس باجحاف
على مقاويس الحنايا .. عزف لك
وما اتشوف همي كل ماضام الأكتاف
لد النظر لك .. وأنصرف وأنحرف لك
وما اتشوف عيني كل ماجفنها عاف
لذ الكرى .. بوح الضمير أنصرف لك
وما اتشوف كم نبكي على أطلال الأسلاف
اللي على ايديهم زمانك .. هنف لك
أقرا الوجيه اللي بها الحزن ينشاف
تقنع .. وصفحات الزمن تنكشف لك
وقتٍ عقد لأهل الردا احزاب وأحلاف
هو نفسه اللي من عذابه .. غرف لك
يمين راسٍ .. ضيّع اسلوم وأعراف
لااشتد ساعدها .. رماك وحذف لك
ياسيّد التفكير .. ياصوت الأشراف
أصبر لو الصمت الطويل ألتحف لك
الساحة اللي كلها غث و أسفاف
لها الحثاله ..وأنت يبقى الشرف لك
لابد .. من يومٍ ينادى بالانصاف
واللي ورا سود " اللحى " ينكشف لك