اموت عطشانك - صالح الضويحي
ليه أتذكّر وأنت بالبال ذاكرك
أذكر تماديك ودلالك وغيّك
ياكثرمالهاجس على البال يحضرك
معك يغيب ولي يجي مع مجيّك
الله يأني في خيالي مصوّرك
نهرالعطاء وأنا فقيرك غنيّك
تقبل واهلي بك وتقفي وأسايرك
ماكني الاّ في حياتك وصيّك
لاقلت أحبك لاجديدٍ به أخبرك
صافحت شمسك عشق من قبل فيّك
أزعل وأجيك اعتاب وأنساه وأشكرك
ذبحتني يالعن أبو حي حيّك
أروح منك بجرح وأرجع وأدوّرك
وأسوق هقواتي لحروت نويّك
اعذرك بعض احيان واحيان مااعذرك
ترمي على شاط الأماني خويّك
لاواقعٍ عشته ولاحلم أفسّرك
أنت الامل والاّ الأمل هو سميّك
الله عطاك وبأحد الأثنين خيّرك
هيّا معي ياداعي البال هيّك
وأنا أدري أني لو تحرّيت ماطرك
أموت عطشانك ولاذقت ميّك
أذكرك والاّ خلني بس أذكّرك
اجرح خفوقي ياهلابك وحيّك