فلسفة علم التعب - صالح سعود
ليل ٍ طويل وليلٍ أطول من الليل
وليلٍ يعلمك الملل من حروفه
إليا طفأ نور الليالي القناديل
والصمت يطعن بالظماير سيوفه
وإليا ظمت عطشى سطورك مخاييل
وحبر القلم زادت عليه الحسوفه
والشمع دمع الشمع أصبح مساييل
والنار في رأس الفتيلة تلوفه
ومع الشعر يا زين ذكرى التعاليل
والصبح بان بمحجر العين شوفه
وإليا طرى لك سود ذيك المقابيل
والقلب زاد بخوفة البال خوفه
إما تكون لعقدة الوقت حلحيل
تصبر على جور الزمان وظرفه
وأن كنت تحسب عقدتك عقدة الجيل
ترى الردي دايم تلومه كفوفه
ما للردى في وجه الأيام تقبيل
ودنياك كل وضع ٍ تراها تطوفه
دنيا تهبل راكد العقل تهبيل
دنيا تتعس بالفهيم وتسوفه
دنيا لها في فحص الأيام تحليل
دنيا تصافا لك ودنيا عيوفه
يا ما بها من غربة الأمر تهويل
في فلسفة علم التعب فيلسوفه
تعطيك درسٍ ما يلم التفاصيل
فيها الحسد عادة قديم معروفه
فيها يطول الحكي وكثر الأقاويل
فيها الهموم من الخفوق مغروفه
تعبت أدور من همومي محاميل
مغير أوايق كل رجمٍ وأنوفه