على الله ربنا الوالي - صالح سعود
على الله لو يطول الدرب ولو يبعد بي المشوار
على الله ربنا الوالي على الله ربنا الوالي
على الله لو يصير الوقت من اللوعات كله نار
ولو يصبح جديد الوقت يشبه وقتي الحالي
أعيش بوقتي الحالي وبأكتب للزمن تذكار
وأنا ضايق من الدنيا لأني عايش لحالي
غريب وغربتي قشري ولا أدري بالفلك وش صار
حقيقة مادريت أن الزمان يصير غربالي
بداية دنيتي مره وذقت من السنين أمرار
تقلبني سنين العمر وذقت المر والحالي
أحس أن الزمن واقف وأحس أن الزمن دوار
أحس أن الزمن ولى وأحس أن الزمن سالي
وجاري الوقت عذبني وجاري الوقت فيني جار
وجرحه في خفا قلبي وجرحه ما بعد زالي
وفيني من الزمن ذكرى وله عندي قديم أسرار
وغنى صوت الأحزان الشقية معه موالي
ويتل الفكر هاجوسه ويلعب لعب بالأفكار
يحوس الفكر هاجوسه وهو دايم على بالي
على الغربة على الوحدة ترى ماني بعد صبار
ولو قلت أتصبر ما أظن الصبر يبرالي
خذاني الهم باليمنى وخلاني أروح يسار
تعبت أجامل الدنيا عشان الوقت يصفالي
وراعي الطيب من طبعه يسير بسيرة الأحرار
يجود اليا تردى الزمان وللردى مالي
غريبه دروة الدنيا وأثر هذا الزمن غدار
حقيقة طبعه الأول تشابه طبعه التالي
نسير بدرب هالدنيا وعلى الله ينتهي المشوار
على الله ربنا الوالي على الله ربنا الوالي