سالفة برق - ضحوي الأسلمي
تجيبك الذكرى الم جرح وطعون
وأرحل من الواقع على بلاد ماضيك
مال الزمن عقبك طعم اوبعد لون
من غاب صوتك غابت أفراح مغليك
وينك يااغلى من على الارض والكون
شوفي عظيم الشوق وشلون يبكيك
مااهتز حبك بالحشا ثابت ركون
لو جات له من ريح بعدك دواكيك
ياكثر ناس من هنيا يمرون
مامر فيهم واحد فيه مافيك
هناك غنيتك طرب ليل ولحون
يشدني رمشك اليا جيت أغنيك
وهناك كان الموج في لحظة سكون
ماغير انا وإنتي وبوح يحاكيك
وهناك ضحكك سالفة برق و مزون
يسقي فياض صوّت لك تناديك
وهناك كانت قصة أحباب وشجون
وهناك موعد ضمته بيض اياديك
وهناك وقفه غير ومناظر عيون
وهناك ملحك كان بالحيل طاغيك
شفتي شكثر هالبعد ملعون ملعون
يكسر خواطرنا ويجبر تجافيك
ليه الزمان يخون للي يوفون ؟؟
واكبر وفاء نبض من الوجد يرجيك
عاقل أحبك موت وإن صرت مجنون :
أموت في حبك كثر ماني أبيك
إه إطعني زيدي من طعونك طعون
الأسلمي عايش على جرح ماضيك