فاقد الراحة - ضحوي الأسلمي

غفى جفن السهر باأرض العيون اللي .. تبي ترتاح
وصحى لليل .. شاعر ليل ..سهير وفاقد الراحه

خذا من جور وقته بالمحاني .. طعنتين رماح
وعطى مقبل لياليه .. خفوق كثرت جراحه

دخيلك ياسماا .. حوّل .. أبيك تساعد اللي طاح
تشيله لين ماياصل غيوم فيك سبّاحه

تراني ياسم مبطي .. وأنا لك ناوي المرواح
على هالقاع هدتني هبوب الويل ورياحه

أنا جيتك وأنا همي .. كبير ولاحصل ينزاح
ماغير الحزن طاويني .. وعمر ودّع أفراحه

أنا جيت أشتكي لك من غلا اللي حبها .. فضاح
غلاها دون ماأدري .. إستحل القلب وإجتاحه

غلاها .. ه يامكبر غلاها .. والغلا ذباح
حلاها .. ه محلاها .. قليل إن قلت : ذباحه

نسمها .. لحن موسيقي .. يشابه لحن .. (( بن مداح ))
شعرها .. مستمد أقسى سواد الليل ووشاحه

عطت للورد .. ريح الورد ..بريحة جلدها الفوح
وخذا منها البحر .. معنى الهلاك وزايد أملاحه

لو إنهْا للقمر لدّت .. طغْته بنورها الوضاح
والأرض المجدبه لو هي وطتها أصبحت .. واحه

ولو إن الحب يملك بورصة أسهم .. وكسب أرباح
قسم بالله ليحقق سهمها .. (( قمة أرباحه ))

أنا لولا هواها .. ماأشتهرت ونجم شعري لاح
ولاجبت القصيد اللي .. يهز .. ويربك الساحه

هذيك اللي ورى (( الخفجي )) .. بديرة (( جابر الصباح ))
هناك .. وبينها وبيني .. مابين الصين والباحه

دخيلك ياسما غابت وأنا من بعدها ياصاح
وحيد ..ولابقى غير الونين .. وفرك مسباحه

دخيلك ياسما تكفى .. أبيك تساعد اللي طاح
تراني عقبها جداً حزين .. و (( فاقد الراحه ))