إكسين - ضحوي الأسلمي
الله يحفظك كان .. ودك تروحين ..!!
باي باي .. والا رافقتك السلامه
لكن ترا بكرا .. مصيرك تردين ..!!
متحسفه كلك .. وكلك ندامه
بكرا ترا لاغبت .. رايح تقولين :
تكفى تعال .. وخل عنك الملامه
جربت غيرك من بعيد وقريبين
ولالقيت اللي وفا في كلامه
يعني غلطت .. وذقت مر العذابين
وأبيك تدمح .. وأنتْ كلك فهامه
بكرا ( ياأم الحسن ) والله تشوفين
وقولي ماقال ( الشمري ) والتزامه
أنا لا جيت أحب .. ماأبي تخونين..!!
أبي حبيب أنتحر في هيامه
يسكن هن .. مابين قلبي وجفنين
ويرتاح في عيني .. ليا جا منامه
يعني أنا هالحين .. ماابيك تبقين
وش عاد .. لو خدك محليه شامه ..!!
يعني أنا عزمّت .. بعطيك ( إكسين ) ..!!
روحي فمان الله .. مع السلامه