ضروري - ضحوي الأسلمي
من منطلق حرصي ودافع شعوري
ودي أكون اكثر صراحه من الغير
حبيت ألخص وش أبي في سطوري
ويمكن كلامي يزعل الناس ويثير
توي بديت أخرج عن حدود طوري !!
ولاني وسيع الصدر صدري غدا صغير
منبط كبد ومبتعد عن سروري
وأنا أعرف الهاجوس ( ملعون أبو صير )
الشعر جاني يشتكي ياكسوري
واللي كسر حاله مهو واحد كثير
كنّه يقول بدمعته راح دوري !!
ياعزتي للساحه أم المخاسيرر
من الضروري منع غير الضروري
مدام ماله بيننا أي تفسير!!
شوري عليكم كان تبغون شوري
عشان مايلحق هل الشعر تقصير
قولوا لمن قال : الشعر في حضوري !!
غثيت بال الشعر ماجيته بخير
مفروض تحُظر حظر عاجل وفوري
من الغلط مثلك كذا شاعر يصير
لا مايشرفني أسجلْ مروري
الا على اللي لاحبكها يجي غير