الحزن - طلال الشعلان
الحزن والهم في الغربه غدوا شله
وأنا لحالي وحيدٍ في خلا خالي
مرت علي الهواجس مذهب و مله
حاولت بأني أجالس هاجس امالي
شبيت ضوي بظلمه مرخي الدله
فوق الصبر واتهيل حالي بحالي
النار تحرق خفوقٍ علته عله
مير أتذكر وأطفي النار في بالي
لاتحسب اني على الفرقا ابي زله
لكن حيائي غصبني امنع خبالي
كأنك تبيني تعال وقولي - لله
مافيه غيرك بهالدنيا ترى غالي
سليت عني؟ واحد يسلى على خله
والله ماانسى حديث العام وش جالي