ليل المسافر - طلال الشعلان
يحتريني ليل اطول من ظلامك يا مسافر
وان بغيت اشعل شموعي ماتشب ولا تقيد
ليلي اللي من تفارقنا وطيفك به يساهر
وان حظيت الليلة بطيفك ترى ليلي سعيد
ياهموم الحب وأحزاني وامطار المحاجر
ياهنا عمر المعذب شوفتك للقلب عيد
كيف أنا ابحث عن اخبارك وتلقاني مثابر
كيف أنا احسبك لين وانت في حبك شديد
ما بغيت يموت حبك في عيوني يامكابر
مابغيت القاك في حلمي وحلمي يستعيد
صدق بقلبي احترام وصدق بقلبي مشاعر
مالفت لأنسان قبلك لا قريب ولا بعيد
أن عطيتك عشق اعطي لو قليله ماني خابر
انك ابخل من عرفته في محبته وعنيد
ياللي علمت العيون لغير شخصك ماتناظر
ياللي علمت القلوب العشق والحب الاكيد
يالله علمني وش اسباب التجافي يامغامر
يالله فهمني التجافي كيف احيا به وأجيد
أستعيد افكار حبك رؤيتي فيك واناظر
ولا أميز من غلاك ومن محبتك الجديد
يحتريني ليل أطول من ظلامك يامسافر
وان بغيت اشعل شموعي مايشب الا القصيد