يالله - طلال حمزة
يا الله ياشاهد على كل مخلوق
يا غافرٍ للعبد لا جاه تايب
تفكني يارب من حزة العوق
وتكفيني شرور الدهر والنوايب
يا (فلان) ما ني للرجاجيل محقوق
ولانيب لا مخطي ولا نيب عايب
كانك خذيت العلم من راس مطفوق
انا خذيت العلم من راس شايب
علمني الدنيا مواجيب وحقوق
حفظني دروس الصبر فالمصايب
واللى فتح بابٍ عن الشر مغلوق
يستاهل ان هبت عليه الهبايب
وام الحلق ماهي مثل باقي النوق
هذيك تفرق عن جميع النجايب
ما جابها جلاب ما طبت السوق
مصيونةٍ ما جات عليها طلايب
يا من يسلم لي على الذيب مرزوق
شبيه (راشد) بالوفا والوهايب
اللى وهب عمره على شبة الطوق
ما خاف موت ولا حسب للصعايب
وان كان عاتق باح سده لمعتوق
ابطيت ما بيحت سدي لخايب
تدور في بالي هواجيس وطروق
تشوفني حاضر وانا عنك غايب
واليا بغيت الشى انا اجيه من فوق
لا ما انحني لو هو لذيذٍ وطايب
جبرت كسري بكل مطرود ملحوق
ما رحت ادور لي شهود وسبايب
يارب يا شاهد على كل مخلوق
يا غافرٍ للعبد لا جاه تايب
تفكني يارب من حزة العوق
وتكفيني شرور الدهر والنوايب