يامن وصلتوا قطر - عادل الظفيري
يامن وصلتوا قطر قولوا لها تاوي
قولوا لنجلا تراها حالتي حاله
من يوم غابت وأنا طايح ومتهاوي
ماغير أهوجس وأناظر رقم جواله
الله وأكبر عليها إن جابها راوي
أرسل لها كل حزن القلب برساله
وجدي عليها وجود مكابرٍ داوي
يجحد هواه وبلاه الروح مياله
من يوم صدت طواني عقبها طاوي
قبايل الحزن جت رجلي وخياله
ماكني اللي كسيرٍ مالي مخاوي
خلوه ربعه طريح فراش بلحاله
قولوا لها الجرح عقبه ماله مداوي
والموت من جورها صار يتوراله
خافي من الله وروفي بحالة الهاوي
كسير قلبه ولحدٍ صار يرفاله