بكاء المذنب - عادل الظفيري
تدري يفيصل داخلي صوت مكتوم
وده يصيح وصرخته ماقواله
ودي أفضفض شكوة إنسان محروم
يتعب لغيره والزمن ماصفاله
شفني إحتراق شجون وأحزان وهموم
أصبح مجرد شئ يشبه ظلاله
في غيهب الحرمان به قلب موسوم
سحابته تبكي إنهيار إرتجاله
فيني بقايا حلم لازال مظلوم
طفلٍ يطرش دعوته في رساله
فيني عجاجة صيف والسافي علوم
فيني إرتعاشة خوف حد الثماله
فيني غلا مطعون وبعاده سهوم
فيني بكى المذنب وعبرة رثا..له
بي صرخة الصامت على لعنة اليوم
بي شهقة الميت بفرقى عياله
فيني وفا لو كنت ماني بملزوم
يوم الوفا للشخص قبر وزواله
والطهر والتوراة والليل والبوم
لو الحجر بالحال يدري بكاله
جيت البحر خيال أجهل وش العوم
قصدي آتجمل ماتهيت جماله
وأنا من أول كاسر رجال وخشوم
بس الزمن مادام لأهل الشكاله