إنثري ملحك - عادل الظفيري
إنثري ملحك على جروح القصيد
ودي أسمع للشعر صرخة عنا
وسولفي عن قصة العشق الفريد
كيف أنا ميّت وكيف إنتي بهنا
علميهم قصة العشق البعيد
للغبي اللّي حبك بحلم وبنا
علميهم صرت عبد وكنت سيد
وأفخري بأول ضحيه كنت أنا
علميهم كيف ذوبتي الحديد
بالحروف اللّي نثرتيها غنا
عن بلادٍ لك بناها بالوريد
كيف شيّدها الغبي لغيره وفنا
علميهم قصة الحب الوليد
والجروح اللي تركتيها هنا
علميهم كم كسرتي هالعنيد
وإفرحي بهذا الجبل يوم إنثنا
علميهم منهو اللي مستفيد
غير منهو يفرحه إن موتي دنا
علميهم مابقى غير الأكيد
كيف رمحك بالظهر صاح وطنا
والغبي اللي يزرع الحلم بجليد
مات حلمه ماحصد شئ وجنا
والقديم اللّي تكرر من جديد
حب لكن ناتجه خيبة ثنا