هذا الحزن غير - عادل الظفيري
ماتصدق ذا الحزن والله حنون
أرحم بواجد من طعون البشر
يكفي إنه ماتشكل بألف لون
مثل ناسٍ جابوا بعادل خبر
هالحزن ماهو حزن لولا الشجون
والحزن ماهو حزن لولا السهر
هالحزن ماهو بشرحتى يخون
إسأل اللّي رافقه طول العمر
الحزن يصنع من الموتى فنون
فلسفة شاعر وحوّلها عبر
يمكن إنه يستلذ بهالطعون
بس يكسبك إحترامك في كبر
الحزن فجرٍ تخفّيه الجفون
كالكتابه فوق صفحات الطهر
الحزن دمعه ولكن لاعيون
حزن لكن غيرعلمني الصبر
يكفي إنه عايش فيني مغبون
كم تحمل غطرسة عادل دهر
ماتصدق كان لي هالحزن عون
فيني أحيا كل ماهو من حجر
كم تمنيت الحزن هذايكون
مثل أخوي أبو نايف ظهر
كل ماضاقت علّي يصرخ تهون
لاتضايق دامني حي الدهر
وقتها ناظرت للي يكتبون
كنت أبسأل عن مواعيد السفر
وإتركوني دون حتّى ينظرون
وإفردوا جنحانهم كبر البحر
وإتركولي قبل ماهم يرحلون
دمعةٍ لوشفتها شاب الشعر
ماقدرت إني على دموعي أمون
ماتصدق عاجز أبكي من شهر
قلت كم عادل وصل حدالجنون
إن شكى مفضوح وسكوته قهر