منفي سفير - عادل الظفيري
ياولدي
خذ هالنصيحه من أبوك
قبل أنا أدفن بالتراب
ودام توك ماكبرت
ودي أعلمك الأماني
وكيف توصل للكبار
ومثلهم تصبح كبير
أولا..
خل الشهايد
ماتفيدك هالزمان
وش وراها من فوايد
ماتوردك الأمان
شوف كم خريج نايم
محتضن عظم الرصيف
كم ملف أخضر تقطع
مهمل بذيك الرفوف
كم شتا وصيف وخريف
مر عابر
بلاربيع مرعابر
يولدي مني تعلم
مرت سنيني تجارب
دين إرهابي محارب
وش جنيت
لاوطن يوفي
ولاحصلت بيت
منتظر دور التعاسه
لأجل أدفع نص عمري
يولدي.
لوتبي تصبح كبير
دام عمرك بالبدايه
وتوك صغير وشباب
روح نافق بالإداره
وأكذب ..
إكذب ..
قد ماتقدر تكذب
عالرئيس
نم له عن أخوياك
كم هرج شخص بقفاك
وأنت تكبر..
وهو يصغر..
لين تترقى مدير..
وإغتنم فرصه وجت لك
وإسرق آلاف الأراضي
وسو نفسك منت راضي
وإكسر جدار الأمانه
لين ترضى هالبطانه
وإسرق ..
إسرق...
إسرررررررررررق.
لين تصبح مستشار
ولين تتعرف بأمير
وإنت تكبر
ولايوقف فيك حلمك
إقنص المغرب معاه
وصير أعز من إخوياه
وهاتله ملح السوالف
وإمدحه بأتفه قصيده
وإهدله طير وحباري
وإكبر بعينه كثير
ولايشوف الشعب غيرك
وإن غفى يحلم بطيرك
لين يغليك ويحبك
وبكره يتوسط عشانك
عند ديوان الحكومه
وفجأه تتعين وكيل
وصرت مسئول بوزاره
ولايوقف فيك حلمك
خلك إعلامي خطير
هايط بسعر الحديد
ولاإرتفع سعر الشعير
والعواطف تستثير
وتربك الدوله كذا
لين فجأه يسكتوك
بترقيه وتصبح وزير..؟
ومن هنا تبدا تطير..!
وتسرق أشياء كثير..!
رأس مالي
ياحلالي
وعادي إسرق..
إسرق..
ولاتخاف من الحكومه
يعني وش بكره يصير..؟
لوكشف سرقك منافق..!
تنقطع يدك محال
تنقص رقبتك محال
بس بيان بمجلس تافه كبير
تم إعفاء الوزير...!؟
من منصبه ..
هذا بناء لطلبه.
وبالدروج باقي السرق الأخير
إنك.
إنك.
إنك
تتعاقب.
وتدري وش أقصى عقابك..!؟!
((تنفى للخارج سفير)